Starvsfólk til umhvørviskanningar

Starvsfólk til umhvørviskanningar

Umhvørvisstovan søkir starvsfólk til at gera umhvørviskanningar innan altjóða verkætlanina Arctic Monitoring and Assessment Progamme (AMAP). AMAP er ein verkætlan undir Arktiska Ráðnum, sum hevur til endamáls at fylgja við dálkingarstøðuni í umhvørvinum í arktiska økinum.

Til ber at lesa meira um AMAP-verkætlanina her.

Starvið

Verkætlanin snýr seg um at kanna útbreiðslu og árin av umhvørviseitrandi evnum. Arbeiðið fevnir m.a. um at taka sýni, viðgera dátur og skriva frágreiðingar og greinar, umframt ymisk fyrifallandi arbeiðið.

Starvið verður skipað á deildini Vernd, og tú verður partur av granskingartoyminum á deildini.

Førleikar

Tú hevur viðkomandi útbúgving, eitt nú MSc í lívfrøði, evnafrøði ella líknandi. Tað er umráðandi, at tú hevur tøkniligt tev og hevur lætt við at seta teg inn í nýggj forrit og telduskipanir. Tú dugir væl at samskifta á føroyskum, norðurlendskum og enskum, er nærlagdur/nærløgd og hevur koyrikort.

Góðir førleikar innan dátuviðgerð og forrit, sum t.d. R, SQL, ella GIS, er ein fyrimunur.

Setan

Starvið er tíðaravmarkað til fyribils tvey ár við møguleika fyri leingjan. Starvsbyrjan er skjótast gjørligt ella sambært avtalu. Løn og setanartreytir eru sambært sáttmála millum Fíggjarmálaráðið og Akademikarafelag Føroya. Arbeiðsstaður er Umhvørvisstovan, Argir. Viðkomandi, ið verður settur, má tola møguligar broytingar í starvinum.

Umsókn, saman við prógvum, lívsrensli o.ø., skal vera Umhvørvisstovuni í hendi í seinasta lagi fríggjadagin 17. januar 2025.

Nærri upplýsingar um starvið fáast við at venda sær til Katrina Hoydal, umhvørvisgranskara og toymisleiðara á katrinh@us.fo, tlf.  234371, ella Siggu Jacobsen, deildarleiðara á Vernd,  siggaj@us.fo, tlf. 234346.

Til ber at søkja starvið her. 

Um Umhvørvisstovuna

Umhvørvisstovan er stovnur undir Umhvørvismálaráðnum, og fevnir stovnurin um virkisøkini náttúru- og umhvørvisvernd, umhvørvisgransking, orkumál og elveitingareftirlit, viðarlundir og frílendi, land- og sjókort, matrikul, tinglýsing og landsfólkayvirlit. Umhvørvisstovan leggur seg eftir at skipa arbeiðið, soleiðis at starvsfólk hava javnvág millum arbeiðslív og privatlív. Umhvørvisstovan heldur til á Traðagøtu 38 á Argjum. Umhvørvisstovan eggjar øllum skikkaðum umsøkjarum, uttan mun til persónligar umstøður, til at søkja starvið.

Tú kanst lesa meira um Umhvørvisstovuna her.