Leys størv

Skógrøkt hevur tørv á dugnaligum starvsfólki at arbeiða í viðarlundunum í Tórshavnar kommunu.

Í høvuðsheitum er talan um viðarlundirnar og fríøkini í Gundadali, í Kerjum, í Grið, í Havnardali og í Hoydølum. Tú verður við til at tryggja, at viðarlundirnar eru væl hildnar, tryggar og innbjóðandi hjá vitjandi.

Uppgávurnar fevna m.a. um at:

-          hava umsjón við viðarlundunum, herundir rudding av burturkasti og øðrum

-          røkja og viðlíkahalda grøn økir, runnar og annan trævøkstur

-          fremja vanligt viðlíkahald av gøtum, girðingum, beinkjum v.m.

-          fylgja við støðuni í økjunum og boða frá tørvi á ábøtum og átøkum í viðarlundunum

-          taka lut í átøkum at  menna og skipa viðarlundirnar, herundir nýplanting og betran av grønum økjum

Arbeiðið er í stóran mun praktiskt og fer fram úti í viðarlundunum, og tí er týdningarmikið, at tú trívist við kropsligum arbeiði og við skiftandi arbeiðsumstøðum.

Tann, ið verður sett/ur kemur í stóran mun at arbeiða sjálv/ur í viðarlundunum. Tó verður arbeitt í toymum, tá størri uppgávur skulu fremjast.

Umframt arbeiðið í viðarlundunum kemur tú at luttaka í uppgávum eftir tørvi á virkisøkinum hjá Skógrøkt.

Vit vænta, at tú

• ert ábygdarfull/ur og dugir væl at leggja tínar arbeiðsuppgávur til rættis

• ert von/vanur ella hevur áhuga í at arbeiða úti í skiftandi veðri

• hevur koyrikort B

• ert sinnað/ur at koyra ella læra at koyra traktorar og aðrar maskinur

• hevur royndir ella áhuga í at fara væl um maskinur, og kann fremja vanligt viðlíkahald av hesum.

Tað er umráðandi, at tú hevur umhugsni og vísir virðing fyri teimum, sum brúka viðarlundirnar, umframt at tú hevur áhuga fyri, at viðarlundirnar eru væl røktar.

Tað er ikki avgerandi, hvørja útbúgving tú hevur, men tað er týdningarmikið, at tú hevur gott eyga fyri smálutum, dámar at arbeiða uttandura og hevur hug og hegni at halda øki snøgg og væl røkt.

Talan er um fast fulltíðarstarv og verður sett skjótast til ber. Umsókn við viðkomandi skjølum skal vera okkum í hendi í seinasta lagi 16. juni 2026. Nærri kunning fæst við at venda sær til Jónu Káradóttir Lisberg, virkandi deildarleiðara, tlf. 234305 ella við telduposti á jonakl@us.fo.

Starvið verður sett sambært sáttmála millum Fíggjarmálaráðið og viðkomandi yrkisfelag.

Um Skógrøkt

Uppgávurnar hjá Skógrøkt fevna um at skipa royndar- og alivirksemi og sølu av plantu- og viðarvøkstri. Virksemið byggir á miðvísa aling av sløgum, sum trívast í føroyska veðurlagnum. Royndar- og alivirksemi fer í høvuðsheitum fram á Gróðurstøðini í Hoydølum, har plantusølan eisini er staðsett. Skógrøkt hevur harumframt, saman við Skógfriðingarnevndini, umsjón við viðarlundum sum eru skógfriðaðar eftir lógini um viðarlundir.

Umhvørvisstovan

Umhvørvisstovan er stovnur undir Heilsu- og orkumálaráðnum, og fevnir stovnurin um virkisøkini umhvørvisvernd, náttúruvernd, umhvørvisgransking, orkumál og elveitingareftirlit, skógrøkt, land- og sjókort, matrikul, tinglýsing og landsfólkayvirlit. Umhvørvisstovan leggur seg eftir at skipa arbeiðið, soleiðis at starvsfólk hava javnvág millum arbeiðslív og privatlív. Umhvørvisstovan eggjar øllum skikkaðum umsøkjarum til at søkja. Tú kanst lesa meira um Umhvørvisstovuna her.

Umhvørvisstovan hevur tørv á dugnaligum starvsfólki at vera við til at leggja lunnar undir skipaðum arbeiði at kortleggja og virðismeta náttúru.

Løgtingslóg um náttúruvernd varð sett í gildi 1. januar 2024. Endamálið við løgtingslógini er at røkja margfeldið og tær vistfrøðiligu tilgongdirnar í náttúruni, bæði fyri náttúruna sjálva og fyri náttúruna sum grundarlag undir burðardyggum virksemi, tilfeingi, mentan, heilsu og trivnaði hjá Føroya fólki nú og í framtíðini. Kapitul 4 í lógini ásetur, hvørjar heimildir landsstýrisfólkið hevur at verja náttúruøkir.

Vit sóknast eftir starvsfólki, sum hevur førleikar innan náttúrufyrisiting og -skráseting og sum á skipaðan hátt kann, saman við øðrum, menna ein skynsaman leist til skráseting og kortlegging av náttúru- og fríøkjum. Talan er um nýtt og spennandi starv.

Uppgávurnar fevna um at:

• fáa til vega ein skipaðan leist at skráseta og virðismeta náttúru

• menna og fremja GIS skráseting av náttúru og náttúruvirðum

• savna yvirlit yvir og lýsa plantu- og viðarvøkstur sum hóskar til føroyska veðurlagið

• hava umsjón við náttúruøkjum og frílendum, sum eru vard

• luttaka í menning av skipan til aling av plantu- og viðarvøkstri

• luttaka í fyrireiking av økisverndarmálum

• greina samvirkan millum gróðurseting og náttúru

• aðrar til starvsøkið viðkomandi uppgávur

Vit vænta at tú:

• hevur viðkomandi náttúruvísindaliga útbúgving á masterstigi

• hevur góðar førleikar at arbeiða við GIS

• hevur áhuga fyri og kunnleika til náttúru og umhvørvi

• hevur sjálvstøðugt arbeiðslag og góð samstarvsevni

• ert nærløgd/nærlagdur og skipað/ur

• ert stinn/ur í føroyskum og enskum máli á skrift og í talu

Tað er umráðandi, at tú í umsóknini lýsir tínar førleikar og royndir at røkja starvið, og at tú greiðir frá tínum hugsjónum um endamálið við nátturuskráseting og tínum væntanum til arbeiðið.

Starvssetanin er samstarv millum deildirnar Skógrøkt og Vernd á Umhvørvisstovuni. Arbeiðsstaður er á Gróðurstøðini í Miðhoydølum.

Løn og setanartreytir eru sambært sáttmála millum Fíggjarmálaráðið og Akademikarafelag Føroya. Tann, ið verður settur, má tola møguligar broytingar í starvinum.  

Umsókn saman við prógvum, lívsrensli og møguligum viðmælum, skal vera okkum í hendi í seinasta lagi 9. juni 2026. Nærri kunning fæst við at venda sær til Sigurð í Jákupsstovu, á telefon 234388 ella við telduposti á sigurdj@us.fo.   

Um Umhvørvisstovuna

Umhvørvisstovan er stovnur undir Heilsu- og orkumálaráðnum, og fevnir stovnurin um virkisøkini umhvørvisvernd, náttúruvernd, umhvørvisgransking, orkumál og elveitingareftirlit, viðarlundir og frílendi, land- og sjókort, matrikul, tinglýsing og landsfólkayvirlit. Umhvørvisstovan leggur seg eftir at skipa arbeiðið, soleiðis at starvsfólk hava javnvág millum arbeiðslív og privatlív. Umhvørvisstovan eggjar øllum skikkaðum umsøkjarum til at søkja. Tú kanst lesa meira um Umhvørvisstovuna her. 

Umhvørvisstovan tekur imóti sjálvbodnum umsóknum. Sjálvbodnar umsóknir kunnu sendast við at trysta á "Søk nú".

Tá tú sendir okkum eina sjálvboðna umsókn, góðtekur tú, at vit goyma tínar upplýsingar í 12 mánaðir.